Íþróttafélagið Ösp |

Allar æfingar falla niður til 15. apríl 2021

Helgi Páll Þórisson — Thu, 25 Mar 2021 16:59:25 +0000

Allar æfingar hjá öllum deildum Íþróttafélagsins Aspar falla niður til 15. apríl 2021. Nánari upplýsingar um högun æfinga eftir Páskahátíðina verða birtar hér á ospin.is og einnig á Facebook-síðu félagsins.

Við vonum að iðkendur nái að halda sér á einhverri hreyfingu í sínu hverfi og heima hjá sér. Þjálfarar deildanna munu vera í sambandi við sýna iðkendur ef teknar verða upp fjar-æfingar í gegnum fjarfundarbúnað eða í gegnum netið.

Ef það vakna upp einhverjar spurningar þá er hægt að hafa samband við skrifstofu Aspar í netfangið ospin@ospin.is

Stjórn Aspar.

Engar æfingar til og með 3. nóvember og íþróttahús lokuð

Helgi Páll Þórisson — Tue, 20 Oct 2020 20:36:55 +0000

Samkvæmt tilmælum frá sóttvarnarlækni, ÍSÍ og heilbrigðisráðherra verða engar æfingar leyfðar fyrr en í fyrsta lagi 3. nóvember. Þó svo að hægt sé að halda úti einhverjum æfingum utandyra hjá einhverjum deildum hjá Ösp þá fylgjum við tilmælum og forðumst við hópamyndanir einsog kostur er. Við hvetjum okkar félagsmenn og iðkendur til að gera hvað þeir geta til að halda sér virkum með léttum æfingum heima fyrir eða léttum göngutúrum sé þess kostur. Við munum endurmeta stöðuna næst 3. nóvember eða eftir því sem hlutirnir þróast.

Við erum öll í þessu saman og minnum á mikilvægi þess að þvo sé reglulega um hendur, spritta og nota grímur þar sem til þess er ætlast.

Mynd: FrankundFrei frá Pixabay

Allar æfingar hjá öllum deildum Aspar falla niður til 19. október

Helgi Páll Þórisson — Wed, 07 Oct 2020 18:19:12 +0000

Vegna stöðu á smitum á COVID-19 á höfuðborgarsvæðinu hefur stjórn Aspar tekið þá ákvörðun um að fresta öllum æfingum hjá öllum deildum frá deginum í dag og í 2 vikur eða til og með 19. október 2020. Þetta er gert með heildarhagsmuni iðkenda, þjálfara og félagsins alls í huga og til að minnka líkurnar á smiti eins og kostur er. Stjórn Aspar og þjálfarar hvetja hinsvegar alla iðkendur til að hreyfa sig einsog kostur er næstu tvær vikurnar t.d með gönguferðum eða léttum æfingum heimafyrir. Hægt er að skoða heimaleikfimi hjá RÚV hér á netinu til að fá góðar æfingar til að gera heimafyrir. https://www.ruv.is/sjonvarp/spila/heimaleikfimi/30389