Íþróttafélagið Ösp |

Opið fyrir umsóknir í Ollasjóð

Helgi Páll Þórisson — Tue, 31 Mar 2026 18:36:56 +0000

Búið er að opna fyrir umsóknir í Ollasjóð hér á vefnum. Markmið sjóðsins er að styrkja iðkendur og félagsmenn til íþróttaiðkunar sem ekki eiga kost á því að taka þátt í íþróttastarfi Asparinnar vegna fjárhagsstöðu eða sérstakra aðstæðna. Sjóðurinn styrkir ýmis verkefni svo sem æfingagjöld, íþróttafatnað, keppnis- og/eða æfingaferðir o.s.frv.

Umsóknarsíða Ollasjóðs

Styrkjum úthlutað til Íþróttafélagsins Aspar frá Lýðheilsusjóði

Helgi Páll Þórisson — Thu, 26 Mar 2026 19:14:09 +0000

Í dag voru veittir styrkir til Íþróttafélagsins Aspar við formlega afhendingu frá Lýðheilsusjóði. Helga Hákonardóttir, formaður Íþróttafélagsins Aspar, og Sigurður Jónas Eggertsson, stjórnarmaður Aspar, veittu styrkjunum viðtöku fyrir hönd félagsins.

Kristín Heimis, formaður Lýðheilsusjóðs, afhenti styrkina en félagið hefur um árabil notið stuðnings sjóðsins til fjölbreyttra verkefna.

Að þessu sinni hlýtur félagið:

700.000 krónur til keiluæfinga barna og ungmenna
700.000 krónur til kraftlyftinga
200.000 krónur til starfsdags og endurmenntunar þjálfara

Styrkirnir munu styðja áframhaldandi uppbyggingu og starfsemi félagsins, með áherslu á að efla íþróttastarf og þjálfun fyrir iðkendur á öllum aldri.

Kristín Heimis, formaður Lýðheilsusjóðs, við afhendingu í dag.

Unified fótbolta mót

Laufey Sigurðardóttir — Tue, 17 Feb 2026 08:57:24 +0000

Unified leikar í fótbolta fara fram 1. mars næstkomandi í Miðgarði í Garðabær kl: 10:00. allar nánanir upplýsingar veitir Elfa á netfangið elfa.erlings@gmail.com

Endilega kíkið á Unified leika í fótbolta.

Laufey tekur við skrifstofu Aspar

Helgi Páll Þórisson — Sat, 20 Dec 2025 11:43:31 +0000

Íþróttafélagið Ösp kynnir með ánægju að Laufey Sigurðardóttir hefur verið ráðin til að sjá um rekstur og daglega umsýslu skrifstofu Aspar. Laufey mun jafnframt áfram gegna stöðu yfirþjálfara keiludeildar Aspar.

Skrifstofan er í Sigtúni 42 og netfang hennar er ospin@ospin.is.

Skautadeild Aspar gerði góða ferð til Austurríkis

Helgi Páll Þórisson — Tue, 16 Dec 2025 15:47:29 +0000

Helgina 12-15. desember fór fram, á vegum Austurríska skautasambandsins í samstarfi við Special Olympics Austria, Opna Austurríska Meistaramótið í listskautum. Íþróttafélagið Ösp átti 11 þátttakendur á mótinu sem var haldið í Ólympíuhöllinni í Innsbruck. Óhætt er að segja að keppendur hafi staðið sig með eindæmum vel og komu hlaðin verðlaunum heim og reynslunni ríkari. Hlutu þau verðlaun í öllum flokkum þar sem þau voru skráð til leiks. . Árangur hópsins sýnir hversu framarlega við Íslendingar stöndum í þjálfun fatlaðra einstaklinga í listskautum. Innilega til hamingju Skautadeild með frábæran árangur.

Gunnhildur Yrsa Jónsdóttir hefur hlotið Kærleikskúluna

Helgi Páll Þórisson — Sun, 07 Dec 2025 13:31:19 +0000

Gunnhildur Yrsa Jónsdóttir hefur hlotið Kærleikskúluna frá Gló stuðningsfélagi fyrir framúrskarandi og kærleiksríkt starf í fótboltaverkefni Asparinnar í samstarfi við Stjörnuna. Gunnhildur hefur verið ómetanleg fyrirmynd í starfi með börnum og ungmennum hjá Ösp. Með hlýju, fagmennsku og virðingu hefur hún byggt upp jákvætt og öruggt umhverfi þar sem iðkendur blómstra á eigin forsendum. Samhliða Gunnhildi hlutu einnig Hákon og Bára Kærleikskúluna í ár, hvort um sig fyrir sitt mikilvæga framlag og samfélagslegu góðvild. Við hjá Ösp óskum þeim öllum innilega til hamingju með þessa verðskulduðu viðurkenningu. Við þökkum Gunnhildi sérstaklega fyrir mikilvægt og fallegt starf í þágu Asparinnar og hlökkum til áframhaldandi samstarfs.

Frétt um afhendingu kærleikskúlunnar var birt á vef Gló styrkarfélags þann 02.12.2025

Jólasýningin hjá Nútímafimleikum var frábær!

Helgi Páll Þórisson — Mon, 01 Dec 2025 22:32:49 +0000

Laugardaginn 29. nóvember tók Nútímafimleikadeild Aspar þátt í árlegri jólasýningu Aspar og Ármans sem var haldin í fimleikaaðstöðu Ármans í Laugardal. Hópurinn stóð sig afar vel og var mikil stemmning á sýningunni.

Síðasta æfing í nútímafimleikum fyrir jól verður 13. desember.

Keppt var í skautahlaupi

Helgi Páll Þórisson — Mon, 01 Dec 2025 22:26:41 +0000

Um nýliðna helgi, nánar tiltekið laugardaginn 29. nóvember, var keppt í skautahlaupi (short track) í Skautahöllinni í Laugardal. Íþróttafélagið Ösp átti þar fulltrúa, Andra Frey Magnússon, sem er skautaþjálfari í skautadeild Aspar. Andri lenti í þriðja sæti en Erwin van der Werve varð íslandsmeistari 2025 í 222m, 500m og 1000m skautahlaupi.

Hægt er að sjá nánari úrslit á myndir á vef Skautasambandsins, iceskate.is

Nánari upplýsingar um skautahlaup hjá Ösp.

Bikarmót Asparinnar í kraftlyftingum

Sigurður Jónas Eggertsson — Mon, 01 Dec 2025 13:37:47 +0000

Öspin hélt bikarmót fatlaðra í Ármannssalnum laugardaginn 29. nóvember, og tókst mótið afar vel. Góð stemning var í salnum og fjölbreyttur hópur keppenda tók þátt.

Yngsti keppandinn á mótinu var aðeins 11 ára og stóð sig mjög vel. Þá setti Númi Íslandsmet í sínum flokki í bekkpressu með 122,5 kg, sem vakti mikla athygli.

Sjá myndir frá mótinu á Facebook:
Facebook: Bikarmót 2025

Íþróttafélagið Ösp leitar að aðstoðarþjálfara í sundi

Helgi Páll Þórisson — Fri, 03 Oct 2025 11:08:00 +0000

Íþróttafélagið Ösp leitar að aðstoðarþjálfara fyrir byrjendur í sundi. Þjálfararéttindi kostur, reynsla af sundkennslu nauðsynleg – en bros og hvattning skiptir öllu!

Æfingar fram fram í Klettaskóla á mánudögum og miðvikudögum, kl.16:30 – 19:10. Fimmtudögum kl.17:00 – 17:40 og föstudaga kl.16:30 – 17:50.

Frekari upplýsingar í netfangið ospin@ospin.is eða í síma 663 5477 – Helga.