Syndum er heilsu- og hvatningarátak sem höfðar til allra landsmanna. Markmiðið með Syndum er að hvetja almenning til þess að hreyfa sig oftar og meira í sínu daglega lífi. Sund er alhliða líkamsrækt og góð leið til heilsubótar fyrir unga sem aldna.

Allir skráðir sundmetrar safnast saman og verða sýnilegir á forsíðu syndum.is.
Á síðunni má jafnframt finna skemmtilegan fróðleik og upplýsingar um sundlaugar landsins.

Til þess að taka þátt þarf að skrá sig inn á www.syndum.is og fara í Mínar skráningar. Einfalt er að velja sér notendanafn og lykilorð og skrá synta metra. Þeir sem eiga notendanafn úr Lífshlaupinu eða Hjólað í vinnuna geta notað það til að skrá sig inn.

Öspin hvetur öll til að taka þátt og skrá synta metra í nóvember.

Allir með leikarnir eru sannkölluð íþróttahátíð fyrir börn á grunnskólaaldri með fatlanir eða stuðningsþarfir, þar sem þátttakendur fá tækifæri til að prófa fjölbreyttar íþróttagreinar í skemmtilegu og hvetjandi umhverfi.

Markmið leikanna er að kynna fyrir börnum ólíkar íþróttir og gefa þeim tækifæri til að finna íþrótt sem vekur áhuga. Áhersla er lögð á leik, gleði og þátttöku á eigin forsendum. Engin krafa er gerð um fyrri reynslu af íþróttum og eru allir velkomnir.

• Hrekkjavökuþema og öll hvött til að mæta í búning
• Lukkudýr Allir með Sóli og Sóla mæta á svæðið
• Landsliðsfólk mætir og heilsar upp á gesti
• Pizzaveisla í boði
• DJ heldur uppi stuðinu og skemmtilegri stemningu

Þátttökugjald: 1.500kr

Skráning fer fram á Abler

https://www.abler.io/shop/umfi

Æfingar fara fram í íþróttahúsi Klettaskóla á miðvikudögum kl. 17-18.

Þjálfari er Súsanna og veitir hún nánari upplýsingar á susanna@ospin.is

Alls kepptu 14 leikmenn úr Stjörnunni/Ösp og Suðra fyrir Íslands hönd dagana 27. júlí til 2. ágúst, með stuðningi KSÍ. Mótið fór fram við glæsilegar aðstæður hjá Rice University, þar sem íslenska liðið stóð sig feikna vel og var landi og þjóð til mikils sóma. Liðið keppti samtals 9 leiki á mótinu og spilaði m.a. við lið frá Mexikó, Bandaríkjunum, Englandi.

Á mótinu komu saman rúmlega 1.000 íþróttaiðkendur frá um 50 löndum. Genuine Cup er þó meira en knattspyrnumót þar sem markmið þess er að auka sýnileika, þátttöku og tækifæri fatlaðs fólks í íþróttum og samfélaginu.

Ásamt því að spila fullt af fótbolta þá fékk hópurinn tækifæri til þess að heimsækja NASA, dýragarð og ýmis söfn á svæðinu. Harlem Globetrotters mættu líka til leiks og sýndu listir sínar. Aðstæður á háskólasvæði Rice University voru til fyrirmyndar og þótti maturinn einstaklega góður.

Við sendum liðsmönnum og þjálfurum okkar hjartans þakkir fyrir frábæra frammistöðu, gleði og einstakan liðsanda. Stór hópur foreldra fylgdi hópnum og fá þau einnig þakkir fyrir sitt framlag.

Símanúmer skrifstofu er 555 0066 og alltaf er hægt að senda tölvupóst á ospin@ospin.is.

Njótið sumarsins 🙂

Kl.13:20 setti formaður Aspar, Helga Hákonardóttir, fundinn og lagði til að Hafsteinn Pálsson yrði gerður að fundarstjóra – engar athugasemdir voru gerðar við þá tillögu og tók hann við fundarstjórn.  Hafsteinn þakkaði traustið og bar upp þá tillögu að Helga Kristín Olsen yrði fundarritari og var það samþykkt af fundinum.  Næst á dagskránni var skýrsla stjórnar sem bæði Helga Hákonardóttir og Eva Hrund Willatzen fóru með skýrslu stjórnar. Hægt er að lesa skýrslu stjórnar hér (PDF).

Eftir skýrslur stjórnar var farið í ársreikning félagsins og sköpuðust þó nokkrar umræður og spurningar úr sal, þá sér í lagi varðandi breytta bókhaldslykla þar sem Íþróttafélagið Ösp tók upp þá bókhaldslykla sem ÍSÍ mælir með að nota sem gerði það að verkum að ekki var hægt að bera saman árin 2024 og 2025.  Ársreikningurinn var samþykktur en jafnframt þeirri ábendingu komið á framfæri að stjórn tileinki sér þau tilmæli frá skoðunarmönnum reikninga um að halda áfram á þessari vegferð.  Stjórn fékk einnig það verkefni að kanna uppruna ákveðinnar reikningsskekkju sem hefur verið í bókhaldinu síðan að núverandi bókari tók til starfa.

Eftir að búið var að fara yfir helstu atriðin í ársreikningnum var gert stutt hlé þar sem tónlistarmaðurinn Emmsjé Gauti steig á stokk og tók þrjú af sínum vinsælustu lögum ásamt því að fara með lauflétt gaman mál í milli.  Létti þetta töluvert á andrúmsloftinu á fundinum þar sem það á það til að þyngjast þegar farið er yfir fjármál.

Engar lagabreytingar lágu fyrir fundinn og var því farið beint í kosningar.  Samkvæmt lögum félagsins átti að kjósa um formann, gjaldkera og tvo varamenn.  Sett var færsla hér á vefinn með þeim einstaklingum sem buðu sig fram til formans og/eða varamanns.  Engin framboð bárust á móti honum Júlíusi Helga Eyjólfssyni til gjaldkera og var hann því sjálfkjörinn.  Til formanns voru þau Helga Hákonardóttir og Hörður Reynir Þórðarson í framboði og fóru atkvæði þannig að Helga fékk 31 atkvæði en Hörður fékk 23 atkvæði og var því Helga réttkjörinn formaður.  Þegar þetta var niðurstaðan dróg Lilja Helgadóttir sitt framboð til varamanns til baka og þá sátu þeir tveir eftir, Hörður Sigurðsson og Hörður Reynir Þórðarson og urðu sjálfkjörnir sem varamenn.

Á meðan talningu atkvæða stóð veitti formaður Aspar, Helga Hákonardóttir, nokkrum iðkendum og félagsmönnum viðurkenningar.

Þeir einstaklingar sem fengu viðurkenningar voru:

Bronsmerki Aspar

Júlíus Helgi Eyjólfsson
Björney Sigurlaugsdóttir
Haukur Guðmundsson
Vilhelm Sigurjónsson
Luiza Katarzyna Kierzk
Sigurður Björn Bjarkason Kjerúlf

Eftir viðurkenningar voru úrslit kosninganna kynnt.  Þar sem sjálfkjörið var í sæti gjaldkera og varamanna bauð Hafsteinn Pálsson einstaklingum á fundinum að taka til máls undir liðnum Önnur mál og Kristín Linda sem er ritari stjórnar hjá Íþróttasambandi Fatlaðra tók til máls og bar góðar kveðjur frá stjórn Íþróttasambandinu.

Hafsteinn Pálsson afhendi síðan endurkjörnum formanni Aspar, Helgu Hákonar, fundarstjórn og eftir stutt þakkarorð í lok fundar lokaði hún dagskrá fundarins og sleit fundi.

Hér að neðan er hægt að sjá myndasafn af afhendingu viðurkenninga og þegar Emmsjé Gauti steik á stokk.

Framboðin eru sem hér segir:

Framboð til formanns:

• Helga Hákonardóttir
• Hörður Reynir Þórðarson

Framboð til gjaldkera:

• Júlíus Helgi Eyjólfsson

Framboð til varamanns í stjórn:

• Hörður Sigurðsson
• Hörður Reynir Þórðarson
• Lilja Helgadóttir
• Sigurður Jónas Eggertsson

Hlökkum til að sjá ykkur öll.