Skautar henta bæði strákum og stelpum frá 5 ára aldri þar sem einstaklingurinn er ávallt í fyrirrúmi. Meginmarkmið okkar er að efla þrótt, styrk, jafnvægi og samhæfingu ásamt því að bæta líkamsvitund og túlkun tónlistar í hvetjandi félagsskap þar sem allir fá notið sín.
Skautahlaup hentar þeim sem hafa náð grunnfærni í skautaíþróttinni. Í skautahlaupi er unnið með snerpu, hraða og þol í hvetjandi félagsskap.
Í Skautadeild Aspar er kennt eftir alþjóðlegum áfangamarkmiðum Special Olympics hreyfingarinnar og er kappkostað að bjóða upp á metnaðarfullar, fjölbreyttar og skemmtilegar æfingar.
Aldur: 5 ára og eldri
Staðsetning: Skautahöllin í Egilshöll
